Absen

Link Absen Kelas XI :

1. Absen awal kagiatan diajar kelas XI MIPA

2. Absen awal kagiatan diajar kelas XI IPS

Cek absen harian

Hasil absen harian

Read More

Pengumuman Nilai SMA Negeri 16 Garut

SMA NEGERI 16 GARUT

Kelas XI

1. Rekap Nilai Harian Kelas XI SMAN 16 Garut 

2. Rekap Absen Kelas XI SMAN 16 Garut

Kelas XII

1. Rekap Nilai Harian Kelas XII SMAN 16 Garut

2. Rekap Absen Kelas XII SMAN 16 Garut

Read More

Link Ulangan Harian SMA Negeri 16 Garut

 KELAS XI

Link Ulangan Harian Kelas XI MIPA

1. Ulangan Harian 1 (Biantara)

2. Ulangan Harian 2 (Sisindiran)

3. Ulangan Harian 3 (Carita Pondok)

Link Ulangan Harian Kelas XI IPS

1. Ulangan Harian 1 (Biantara)

2. Ulangan Harian 2 (Sisindiran)

3. Ulangan Harian 3 (Carita Pondok)

Cek Nilai Hasil Ulangan Harian

- Nilai Hasil Ulangan Harian

 KELAS XII

Link Ulangan Harian Kelas XII

1. Ulangan Harian 1 (Bahasan)

2. Ulangan Harian 2 (Carita Wayang)

Cek Nilai Hasil Ulangan Harian

- Nilai Hasil Ulangan Harian

Read More

LK 6 Analisis Unsur Intrinsik Carita Pantun (Kelas XII)

 Pancen 1 !

ANALISIS UNSUR CARITA PANTUN

 

Wasta :

Kelas :

Tanggal pancen :

 

 Pituduh :

1.      Baca ringkesan carita pantun nu judulna munding laya di kusumah jeung ciung wanara ieu di handap !

2.      Analisis unsur intrinsikna kalayan taliti !

 

                                                           Mundinglaya Dikusumah

Prabu Silihwangi ngagaduhan dua urang garwa nyaéta Nyimas Tejamantri sarta Nyimas Padmawati anu jadi permaisuri. Ti Nyimas Tejamantri, Prabu Silihwangi ngengingkeun saurang putra nyaéta Guru Gantangan. Sedengkeun ti permaisuri Nyimas Padmawati, raja ngenginkeun putra anu diwastaan Mundinglaya. Béda umur antara Guru Gantangan jeung Mundinglaya pohara jauhna. Waktu Guru Gantangan ditunjuk jadi bupati di Kutabarang sarta geus lakirabi, Mundinglaya masih kénéh budak leutik.

Alatan henteu miboga anak, Guru Gantangan miara anak kukut anu dibéré ngaran Sunten Jaya. Guru Gantangan ogé hayang ngurus jeung ngagedekeun Mundinglaya minangka anakna. Waktu Guru Gantangan ménta Mundinglaya ti prameswari Nyimas Padmawati, prameswari maparin putrana sabab uninga yén Guru Gantangan pohara mikanyaahna ka Mundinglaya.

Mangkat rumaja katangen pisan kategepan Mundinglaya. Katambih ku pasipatanana anu sae budi. Tebih pisan bentenna sareng Suntenjaya anu sipatna awon pisan. Kumargi Nyi Mas Ratna Inten nyaah pisan ka Mundinglaya, Suntenjaya janten sirik pisan ka Munding Laya. Guru Gantangan ogé jenten timburu, gaduh sangki anu awon sareng ngaraos disapirakeun ku bojona. Pon kitu Suntenjaya asa kasilihkeun. nyaéta pisan anu ngarobih kanyaahna Guru Gantangan ka Mundinglaya janten kaceuceub anu ahirna Mundinglaya dikerem di pangberokan Kutabarang, ku margi dianggap ngalakukeun lampah nirca, sanaos harita Mundinglaya the masih kacida rumajana.

Di Pajajaran, puseur karajaan Sunda, harita téh nuju meujeuhna angkeub, halodo entak-entakan sareng loba jalmi nu kaserang kasawat. Katambih tumuwuhna pacengkadan di lingkungan kulawarga karaton sabadana Mundinglaya diberok.

Dina hiji waktos Nyi Mas Padmawati ngimpen ningali Layang Salaka Domas nu aya di Jabaning Langit kalayan dijaga ku Guriang Tujuh. Dina impenannana, aya wartos wirehna sing saha anu tiasa ngengingkeun éta layang, baris kenging kahormatan, kabagjaan, katengtreman, karaharjaan sareng kasalametan kanggo nagara miwah rahayatna. éta impenan dicarioskeun ka Prabu silihwangi. Prabu Silihwangi hemeng galihna henteu percanten bakal aya jalmi anu sanggem angkat ka Jabaning Langit bari nyandak Layang Salaka Domas tina kakawasaan Guriang Tujuh; asa pamohalan pisan.

Antukna Prabu Silihwangi ngayakeun gempungan di pasewakan kangggo nangtoskeun saha anu sanggem ka Jabaning Langit. Pasewakan diluuhan ku rahayat Pajajaran, Nyi Mas Tejamantri, Guru Gantangan sareng putrana, Suntenjaya. Tapi heneuweuh saurang ogé anu nembongkeun kasayagianana. Ki lengser, ngusulkeun supados Mundinglaya anu aya di pangberokan Kutabarang ogé ditaros.

Sanaos usulan ki Lengser henteu disatujuan ku Suntenjaya sareng Guru Gantangan, nu ngariung rempug satuju kana usul ki Lengser. Mundinglaya diusulkeun supados enggal dibébaskeun. Patih Gelap Nyawang sareng Kidang Pananjung nyuhunkeun idin ka Guru Gantangan supados ngaluarkeun Mundinglaya tina pangberokan.

Saparantosna ngalakonan sadaya panalek ti balaréa, Mundinglaya kalawan henteu ngawagu langsung baé nampi sagala pancen ti ramana, Prabu Siliwangi. Patih Gelap Nyawang jeung Kidang Pananjung gasik tatahar kanggo miangkeun Mundinglaya ka Jabaning Langit.

Sababaraha dinten Mundinglaya dilatihan perang sareng rupi-rupi elmu gelut sinareng ngagunakeun rupi-rupi pakarang kanggo mayunan sagala hahalang dina lalampahanana. ogé henteu kakantun Mundinglaya diancrubkeun kana Leuwi Sipatahunan supados bérésih jiwana.

Dina dinten anu tos ditangtoskeun Mundinglaya angkat, kalawan pangesto ti ibu sareng ramana, diiring ku Gelap Nyawang sareng Kidang Pananjung, ogé ti sakumna rahayat Pajajaran.

Kumargi Mundinglaya henteu kungsi aangkatan ka luar Pajajaran, anjeunna henteu terang jalan. Sumerah ka nu Maha Kawasa, Mundinglaya angkat ngalangkungan leuweung geledegan kanggo ngajugjug Jabaning Langit. Dina lalampahan ka Jabaning Langit, Mundinglaya ngalangkung ka karajaan bawahan / karajaan alit nyaéta karajaan Muarabérés atanapi nagri Tanjung Barat (nua aya di Pasar Minggu Jaksel kiwari). Di éta nagri, Mundinglaya papendak sareng Dewi Asri. Dewi Asri anu dikenal ogé minangka Dewi Kania atanapi Dewi Kinawati téh putrina Mental Buana incuna Munding Kawati. Mundinglaya sareng Dewi Asri kedal pasini jangji bade patepang deui saparantos Mundinglaya rengse mancen tugas ti ingkang rama.

Salajengna Mundinglaya dijajap ku Patih Gelap Nyawang sareng Patih Kidang Pananjung ogé teuteup Dewi Asri. Patih Gelap Nyawang jeung Patih Kidang Pananjung gura-giru nyayagikeun parahu kanggo Mundinglaya ngajugjug Atas Angin. Dugi ka Pulo Putri. Patih Kidang Pananjung sareng Patih Gelap Nyawang dipiwarang nungguan Mundinglaya dugi ka rengsena ngemban pancen nyangking Layang Salaka Domas.

Lalakon lalampahan Mundinglaya salajengna sihoreng sanes nyorang jalan ngabulungbung anu caang padang narawangan, malihan jalan anu rembet, rumpil sareng loba cucuk rungga sareng rangrangna anu ngahalang-halang kana lajuna lalampahan Mundinglaya. Namung sanaos kitu anjeunna henteu unggut kalinduan. Tekadna buleud disarengan ku kasadaran wireh anjeunna baris nyorang sagala hahalang.

Dina lalampahan anjeunna pendak sareng raksesa Jonggrang Kalapitung anu ngahalangan jalanna. Numung éta raksesa tiasa diayonan ku Munding Laya.

Rengse ngayonan Jonggrang Kalapitung, Mundinglaya reureuh heula. Ngumpulkeun deui lelembutanana anu kabengbat ku urusan gelut. Mundinglaya nyangsaya kana tangkal katapang nyawang pilampaheun anu natrat na angen-angenna. Manahna manteng ka Nu Maha Agung sangkan laksana panedana. Sukmana kumalayang ngambah awang-awang.

Kalawan dijajap ku Jonggrang Kalapitung, Mundinglaya naek ka langit kahiji, kadua, katilu, sareng saterasna dipungkas dugi ka langit anu katujuh. Di langit ka tujuh Mundinglaya paamprok sareng Guriang Tujuh anu ngajaga layang salaka domas. Mundinglaya nyarioskeun maksadna wireh anjeunna peryogi layang salaka domas kanggo nagarana anu nuju nyorang katunggaraan, pacengkadan, kasawat sareng hahalodoan. Namung éta layang henteu dipasihkeun ku Guriang Tujuh.

Mundinglaya mesat keris. Namung dumadakan aya gelap ngabaranyay disarengan sora ngajegur matak katorekan. Mundinglaya tipental, ragrag ka langit kagenep ngalempreh teu empes-empes.

Di kahiyangan, para pohaci pating lalengis maridangdam. Utamina pohaci Wirumananggay anu kacida prihatinna ningali Mundinglaya ngalungsar ngababatang. Mundinglaya disangkeh terus disenderkeun dina lahunan, lalaunan embun-embunanana ditiup bari diparancahan.

Saparantos Mundinglaya hirup deui, Nyi Pohaci mamagahan anjeunna supados henteu ngalawan ku cara anu heuras malih kedah ngalawan ku kasabaran, nurutkeun kumaha kahayangna. Mundinglaya naek deui ka langit katujuh. Pendak deui sareng Guriang Tujuh. Guriang Tujuh ngawitan ngaharegaan kana karep Mundinglaya anu gaduh tekad bade ngadamel kasaéan. Layang Salaka Domas dipaparin ka Mundinglaya.

Di Kutabarang, Suntenjaya sasat jigrah saangkatna Mundinglaya ka Jabaning Langit. Asa mobok manggih gorowong, aya jalan komo meuntas. Meungpeung Mundinglaya nuju suwung di nagara, Suntenjaya bade maranan Dewi Asri kanggo diolo supados kersaeun dijantenkeun bojona. Sunten Jaya mapeg wadia balad miang ke Muarabérés.

Dina waktos anu harengheng, Mundinglaya dugi ka Pajajaran teras ka Muarabérés. Sunten Jaya kasoran mundur ti Muarabérés. Salajengna Prabu Silihwangi ngangkat Mundinglaya janten raja di Pajajaran kalayan gelar Mundinglaya Dikusumah. Henteu lami ti harita Mundinglaya ngajodo sareng Dewi Asri. Pajajaran janten aman deui sareng subur makmur.

Pancén 1 !

Tangtukeun Unsur intrinsik (Tokoh, Latar jeung galur ) tina ringkesan carita pantun Mundinglaya Dikusumah !

Pancen 2 !

Wasta :

Kelas :

Tanggal pancen :

 

 Pituduh :

1.      Baca ringkesan carita pantun nu judulna Ciung Wanara di kusumah jeung ciung wanara ieu di handap !

2.      Analisis unsur intrinsikna kalayan taliti !

                                                         Ciung Wanara

Kacaturkeun di Karajaan Galuh. Anu ngaheuyeuk dayeuh waktu harita téh nya éta Prabu Barma Wijaya kusumah. Anjeunna boga permaisuri dua. Nu kahiji Déwi Naganingrum, ari nu kadua Déwi Pangrenyep. Harita duanana keur kakandungan.

Barang nepi kana waktuna, Déwi Pangrenyep ngalahirkeun. Budakna lalaki kasép jeung mulus, dingaranan Hariang Banga. Tilu bulan ti harita, Déwi Naganingrum ogé ngalahirkeun, diparajian ku Déwi Pangrenyep. Orokna lalaki deuih. Tapi ku Déwi Pangrenyep diganti ku anak anjing, nepi ka saolah-olah Déwi Naganingrum téh ngalahirkeun anak anjing. Ari orok nu saéstuna diasupkeun kana kandaga dibarengan ku endog hayam sahiji, terus dipalidkeun ka walungan Citanduy.

Mireungeuh kaayaan kitu, Sang Prabu kacida ambekna ka Déwi Naganingrum. Terus nitah Ki Léngsér supaya maéhan Déwi Naganingrum, lantaran dianggap geus ngawiwirang raja pédah ngalahirkeun anak anjing. Déwi Naganingrum dibawa ku Léngsér, tapi henteu dipaéhan. Ku Léngsér disélongkeun ka leuweung anu jauh ti dayeuh Galuh.

Ari kandaga anu dipalidkeun téa, nyangsang dina badodon tataheunan lauk Aki jeung Nini Balangantrang. Barang Aki jeung Nini Balangantrang néang tataheunanana kacida bungahna meunang kandaga téh. Leuwih-leuwih sanggeus nyaho yén di jerona aya orok alaki anu mulus tur kasép. Gancangna budak téh dirawu dipangku, dibawa ka lemburna nya éta Lembur Geger Sunten, sarta diaku anak.

Kocapkeun budak téh geus gedé. Tapi masih kénéh can dingaranan. Hiji poé budak téh milu ka leuweung jeung Aki Balangantrang. Nénjo manuk nu alus rupana, nanyakeun ka Aki Balangantrang ngaranna éta manuk. Dijawab ku Aki éta téh ngaranna manuk ciung. Tuluy nénjo monyét. Nanyakeun deui ngaranna. Dijawab deui ku Si Aki, éta téh ngaranna wanara. Budak téh resepeun kana éta ngaran, tuluy baé ménta supaya manéhna dingaranan Ciung Wanara. Aki jeung Nini Balangantrang satuju.

Ayeuna Ciung Wanara geus jadi pamuda anu kasép sarta gagah pilih tanding. Ari endogna téa, disileungleuman ku Nagawiru ti Gunung Padang, nepi ka megarna. Ayeuna geus jadi hayam jago anu alus tur pikalucueun.

Dina hiji poé, Ciung Wanara amitan ka Aki jeung Nini Balangantrang, sabab rék nepungan raja di Galuh. Inditna bari ngélék hayam jago téa. Barang nepi ka alun-alun amprok jeung Patih Purawesi katut Patih Puragading. Nénjo Ciung Wanara mawa hayam jago, éta dua patih ngajak ngadu hayam. Ku Ciung Wanara dilayanan. Pruk baé hayam téh diadukeun. Hayam patih éléh nepi ka paéhna. Patih dua ngambek, barang rék ngarontok, Ciung Wanara ngaleungit. Dua patih buru-buru laporan ka raja.

Ari Ciung Wanara papanggih jeung Léngsér. Terus milu ka karaton. Nepi ka karaton, Ciung Wanara ngajak ngadu hayam ka raja. Duanana maké tandon. Lamun hayam Ciung Wanara éléh, tandonna nyawa Ciung Wanara. Sabalikna lamun hayam raja nu éléh, tandonna nagara sabeulah, sarta Ciung Wanara baris dijenengkeun raja tur diaku anak.

Gapruk baé atuh hayam téh diadukeun. Lila-lila hayam Ciung Wanara téh kadéséh, terus kapaéhan. Ku Ciung Wanara dibawa ka sisi Cibarani, dimandian nepi ka élingna. Gapruk diadukeun deui. Keur kitu datang Nagawiru ti Gunung Padang, nyurup kana hayam Ciung Wanara. Sanggeus kasurupan Nagawiru, hayam Ciung Wanara unggul. Hayam raja éléh nepi ka paéhna.

Luyu jeung jangjina Ciung Wanara dibéré nagara sabeulah, beulah kulon. Dijenengkeun raja sarta diaku anak ku Prabu Barma Wijaya Kusumah. Ari nagara anu sabeulah deui, beulah wétan dibikeun ka Hariang Banga.

Ku kabinékasan Ki Léngsér, Ciung Wanara bisa patepung deui jeung indungna nya éta Déwi Naganingrum. Lila-lila réka perdaya Déwi Pangrenyep téh kanyahoan ku Ciung Wanara. Saterusna atuh Déwi Pangrenyep téh ditangkep sarta dipanjarakeun dina panjara beusi.

Hariang Banga kacida ambekna basa nyahoeun yén indungna geus dipanjara ku Ciung Wanara. Der atuh tarung. Taya nu éléh sabab sarua saktina. Tapi lila-lila mah Hariang Banga téh kadéséh ku Ciung Wanara. Hariang Banga dibalangkeun ka wétaneun Cipamali. Tah, harita kaayaan Galuh jadi dua bagian téh. Kuloneun Cipamali dicangking ku Ciung Wanara. Ari wétaneunana dicangking ku Hariang Banga.

 

Pancén 2 !

Tangtukeun Unsur intrinsik (Tema jeung Amanat) tina ringkesan carita pantun Ciung Wanara !

Read More

LK 5 Analisis Struktur Carita Pantun (Kelas XII)

 

ANALISIS STRUKTUR CARITA PANTUN

 

Wasta :

Kelas :

Tanggal pancen :

 

Pituduh :

1.      Titenan conto carita pantun dina link ieu https://youtu.be/vYTKnLUT5ps

2.      Analisis strukturna kalayan taliti !

 

Jawaban :
Kekecapan Rajah Pamuka

 

Kekecapan Narasi

 

Kekecapan Deskripsi

 

Kekecapan Narasi

 

Kekecapan Dialog

 

Kekecapan Monolog

Read More

LK 4 Ngarobah Carita Wayang Kana Wangun Drama (Kelas XII)

 

LEMBAR KERJA SISWA

 

Wasta :
Kelas :

 

Pancén !

 Teangan salah sahiji  carita wayang dina internet tuluy robah éta carita wayang jadi wangung drama !

 Jawaban :

........................................................................................................................................................... ........................................................................................................................................................... ........................................................................................................................................................... ........................................................................................................................................................... ........................................................................................................................................................... ........................................................................................................................................................... ........................................................................................................................................................... ........................................................................................................................................................... ........................................................................................................................................................... ........................................................................................................................................................... ........................................................................................................................................................... ........................................................................................................................................................... ........................................................................................................................................................... ........................................................................................................................................................... ........................................................................................................................................................... ........................................................................................................................................................... ........................................................................................................................................................... ........................................................................................................................................................... ........................................................................................................................................................... ...........................................................................................................................................................

Read More

LK 3 Analisis Carita Wayang (Kelas XII)

 Baca carita wayang ieu di handap !

Ramayana

Kacarioskeun Rama anu nuju mileuweungan, disarengan ku istrina, Déwi Sinta, sareng raina, Lasmana. Di hiji leuweung, Déwi Sinta kapincut ku hiji kijang (Kidang Kancana). Padahal éta téh kijang kajajadén, supados Rama sareng Lasmana bongoh. Kijang téh siga anu lindeuk, tapi barang badé ditéwak ngejat. Kitu jeung kitu baé, dugi ka Rama téh tebih ti Déwi Sinta. Teu lami, kakuping ku Déwi Sinta sareng Lasmana nu tulung-tulungan sapertos sora Rama. Kawitna Lasmana henteu ngandel kana éta sora téh, margi anjeunna percanten kana kasaktén rakana. Namung Déwi Sinta maksa supados Lasmana milari éta sora, nepi ka kedal kekecapan anu nyentug kana manah Lasmana. Bari nalangsa, Lasmana milari éta sora, ngantunkeun Déwi Sinta sorangan.

 

Teu lami, torojol aki-aki kundang iteuk maké pakéan pandita, nyampeurkeun ka Déwi Sinta. Déwi Sinta diolo supaya kaluar tina kalang buleud nu tos diparancahan ku Lasmana. Déwi Sinta kagoda. Kaluar tina kalang. Dadak sakala aki-aki téh robah wujud jadi Rahwana, raja murka ti Aléngka. Déwi Sinta diiwat tuluy dibawa ngapung ku Prabu Rahwana. Déwi Sinta tulung-tulungan, kadéngéeun ku Jatayu, manuk galudra sobat Prabu Dréstarata. Prabu Rahwana diperangan, tapi Jatayu éléh jajatén.

 

Kacarioskeun Rama anu nuju ngungudag kidang kancana téa. Teras baé mulih ka tempat asal tadi. Kacida kagétna waktos uninga, Déwi Sinta tos teu aya. Teu lami sumping Lasmana. Sami kagét sareng rakana. Rama mariksa ka Lasmana ngeunaan Déwi Sinta. Ku Lasmana dicarioskeun satarabasna, pangna anjeunna ninggalkeun Déwi Sinta. Teg baé atuh, duanana curiga yén Déwi Sinta téh aya nu nyandak kabur. Teras baé neraskeun lalampahanana, milariaan Déwi Sinta téa.

 

Di satengahing perjalanan, tepang sareng Jatayu, anu tatu parna urut gelut jeung Rahwana téa. Ti Jatayu kenging raratan, henteu lepat, Déwi Sinta téh aya nu ngiwat. Ari nu ngiwatna Prabu Rahwana ti Aléngkadirja. Saparantos ngawartosan Rama, hos baé Jatayu téh rubuh sapisan.

 

Ti dinya Rama sareng Lasmana neraskeun lalampahanana. Tepang sareng Sugriwa, raja wanara, anu karajaanana dijabel ku Subali. Rama ngabantosan Sugriwa ngarebut deui karajaanana. Saluyu jeung jangji tadi, Sugriwa katut balatentara monyétna, ngabantuan Rama ngarurug Aléngka sarta ngarebut Déwi Sinta. Balatentara monyét dipingpin ku parasenapati ahli perang, di antarana Anoman, Anggada, Anila, jeung Kapi Jembawan.

 

Rama katut pasukanana ngababakan di wewengkon anu paeunteung-eunteung jeung Nagara Aléngka, kahalangan ku laut. Ti dinya Anoman diutus pikeun mubus ka Aléngka, sakalian ngalongok kaayaan Déwi Sinta. Minangka tandana utusan, Anoman mawa cingcin Rama.

 

Kalayan rerencepan, Anoman bisa asup ka Aléngkadirja. Bisa nepungan Déwi Sinta. Anoman némbongkeun cingcin Rama ka Déwi Sinta, ari Déwi Sinta ngintunkeun serat ka Rama. Ti dinya Anoman ngaburak-barik Karaton Aléngka. Nénjo kitu, Anoman dikepung wakul buaya mangap. Taya nu bisa néwak Anoman. Antukna beunang kajiret ku pakarang Indrajit, salasaurang anak Rahwana. Anoman dibanda sarta terus dibawa ka alunalun. Di dinya Anoman diduruk. Tapi Anoman teu busik bulu salambar. Malah bisa leupas tina borogod. Buntutna dipaké sumbu hurung ngabebela, terus luluncatan dina suhunan Karaton Aléngka. Karaton Aléngka kahuruan. Ari Anoman biur ngapung balik deui ka tempatna mangkalan. Terus nepungan Rama, nyaritakeun sagala rupa lalampahanana katut kaayaan Déwi Sinta di Aléngkadirja. Kitu deui surat ti Déwi Sinta dipasrahkeun ka Rama.

 

Pikeun ngarurug Aléngka, Rama jeung balad-baladna kudu nyieun bendungan pikeun meuntasna. Kalawan dibantuan ku nu ngawasa sagara, éta bendungan téh jadi. Aléngka dirurug sarta balad Rama unggul. Rahwana perlaya dipanah ku Rama. Nagara Aléngka dipasrahkeun ka Wibisana, adi Rahwana anu biluk ka Rama.

Rama, Sinta, katut Lasmana marulih deui ka Ayodya. Barata masrahkeun deui karajaan ka nu kagungan hakna nyaéta Rama.

 

LEMBAR KERJA SISWA

 

Wasta :
Kelas :

 

Pancén 1 !

 

Pikeun maham eusi carita wayang di luhur, tangtu kudu apal jeung ngarti kana kekecapanana. Pék cirian kekecapan anu hidep teu ngarti, susun jadi glosarium dina buku catetan, sarta téangan hartina dina kamus. Di handap aya contona. Satuluyna pek teruskeun ku hidep!

 

1.      gondéwa = alat tina kai at. awi paranti mentang jamparing

2.      ...

3.      Jst

 

 

Pancén 2 !

Analisis Unsur intrinsik nu kapanggih tina carita wayang di luhur !

1.      Tema :

...................................................................................................................................................

2.      Tokoh:

...................................................................................................................................................

3.      Pasipatan :

...................................................................................................................................................

4.      Galur :

...................................................................................................................................................

5.      Latar:

...................................................................................................................................................

6.      Amanat:

..................................................................................................................................................

Read More

LK 2 Nyieun Pedaran (Kelas XII)

 Titénan gambar ieu di handap !

NYIEUN PEDARAN DINA WANGUN INFOGRAFIK

 

Wasta :

Kelas :

Tanggal pancen :

 

Tina gambar di luhur pék jieun téks pedarandina wangun infografik.

Eusi Pancen :

Asupkeun infografik nu dijieun ku hidep dina ieu kolom

Read More

LK 1 Analisis Teks Bahasan (Kelas XII)

 Pek baca téks bahasan ieu di handap !

Saringset Pageuh

Iket atawa totopong téh di Sunda mah kabeungharan budaya tutup sirah pangbuhunna. Mun dijujut tina harti kecapna, iket asalna tina kecap ‘saiket’, nu hartina sabeungkeutan atawa sauyunan dina hiji pakumbuhan.

Silokana, nyéré mun sagagang mah teu bisa nyapukeun nanaon, tapi mun sabeungkeutan jadi sapu nu bisa kuat nyapukeun rupaning runtah. Kitu ogé jalma, mun sosorangan tangtu bakal beurat nyanghareupan hiji pasualan. Sirah minangka subjék nu diiketna, sedeng pasualan nu datang ti luar jeung jero dirina minangka objék nu kudu sayaga pikeun disanghareupan, sangkan hirup salawasna caringcing pegeuh kancing, saringset pageuh iket.

Mimiti resep kana iket memang ti bubudak, tapi ari leuwih kataji pikeun nalungtik leuwih jero mah karék taun 2005. Kitu ogé ladang tatanya ka kolot jeung saha baé nu weruh kana iket, bari terus ngeureuyeuh ngadongdon kampung adat. Najan masih kénéh héngkér ngeunaan kumaha jero-jerona iket, tina ladang tetelepék téh saheulaanan mah bisa dicindekkeun yén iket téh ngawéngku tilu bagian, nyaéta bahan, corak/motif, jeung wangun iket.

Leuwih alus bahan tur renyek motif batik dina hiji iket, leuwih mahal hargana. Biasana nu bogana golongan menak, contona motif réréng jeung gambir saketi. Sabalikna, upama iketna polos (saperti wulung di Kampung Dukuh jeung bodas di Baduy Jero) atawa ukur aya motif batik sisina wungkul (iket sisian), hargana gé leuwih murah tur nu makéna gé golongan cacah. Sedeng tina wangunna iket aya dua bagian, nyaéta iket pasagi jeung juru tilu. Sabenerna ari wangun iket mah pasagi, jadi juru tilu sotéh pédah ditilep atawa dikeureut tina wangun asalna nu pasagi.

Tina ieu dua wangun bisa kaguar ajén/palsapah hirup. Wangun pasagi nuduhkeun hirup masagi jeung silokana opat kalima pancer/opat pancer kalima diri urang. Pancer di dieu nuduhkeun opat madhab (kalér, kidul, wétan, kulon), jeung bahan nu jadi dasar kahirupan (cai, angin, seuneu, taneuh). Wangun pasagi gé kapanggih dina motif di tengah batik. Béda jeung samping atawa taplak méja, ieu wangun motif pasagi mah salawasna teu nuturkeun wangun iketna, tapi lalawanan (diagonal). Mun seug iket ditilep jadi juru tilu, ieu wangun motif pasagi bakal lempeng (horizontal). Ieu nudukeun kapancegan/kapengkuhan pamadegan hirup, teu luak-léok mucuk awian. Sedeng wangun juru tilu nuduhkeun konsép tritangtu (ratu, rama, resi). Tangtuna, ieu palsapah hirup téh kudu disurahan kalawan jembar, sangkan ka dituna teu melengkung bekas nyalahan.

Iket gé bisa dibédakeun dumasar kasta/golongan jeung situasi makéna. Golongan nu maké iket lian ti dibédakeun ku bahan jeung motif, ogé gumantung kana rupa beulitan iket. Mun seug ditataan, leuwih ti saratus rupa beulitan iket, antarana barangbang semplak, paros (parékos nangka, parékos jéngkol, parékos gedang), koncér/ paitén, julang ngapak, lohén, ki parana, udeng, pa tua, kolé nyangsang, porténg, jrrd—kaasup rupa beulitan buhun nu dipaké di kampung adat tur nu padamikawanoh ku masarakat nepi ka kiwari, jeung rékaan anyar nu ngahaja nyipta sorangan.

Tina rupa beulitan bisa nuduhkeun golongan nu tangtu, saperti rupa beulitan iket barangbang semplak ilahar dipaké ku jawara, kuda ngencar dipaké ku barudak ngora, parékos/poros jeung udeng dipaké ku barudak leutik jeung masarakat sapopoé mun rék digawé, jrrd.

Nu matak prihatin, arang langka séntra batik di Jabar nu nyieunan iket. Lantaran pasar nu ngajual iket kurang pisan batan pasar samping kebat upamana. Turug-turug saeutik deui toko anu nyadiakeun kain batik. Antukna masarakat nu mikabutuh iket ukur ngandelkeun tatalépa. Salila ieu iket réa diproduksi di Pekalongan, Solo, nu ngagunakeun téhnik printing, cap, jeung tulis. Padahal, lamun iket diproduksi luyu jeung poténsi motif batik unggal daérah nu aya di Jabar, tur promosi jeung publikasina dikokolakeun kalawan hadé, tanwandé bakal jadi kabeungharan lokal jeung daya tarik pikeun wisatawan.

Kiwari iket gé geus robah fungsina. Nu méméhna mah tutup sirah nu dianggap luhung ajénna, kiwari ukur dipaké aksésoris (life style) jeung némbongkeun idéntitas étnikna. Najan kitu, tetep kudu jadi kareueus yén nyaah tur mikawanoh kabudayaan Sunda téh teu kudu dipaksa-paksa, tapi dimimitian ku perkara leutik kucara ngahudangkeun deui kasadar daék maké iket.

Kiwari nu ngarora gé geus mimiti kataji kana iket, najan enya kudu diwanohjerokeun jeung eusina, teu sawates ngagugulung cangkang. Salasahiji tarékahna ngaliwatan sanggar seni Sunda jeung dunya maya (website jeung blog Sunda) nu geus réa ngawanohkeun iket jeung baju tradisional. Ku cara kitu, iket moal éléh ginding jeung syal nu gambarna grup musik barat.

 

*Hasil transkripsi Ari Andriansyah tina wawancara jeung Mochamad Asep Hadian Adipradja.

 

ANALISIS EUSI, STRUKTUR JEUNG UNSUR KABAHASAAN TEKS BAHASAN

 

Wasta :

Kelas :

Tanggal pancen :

 

Pancén 1

Sangkan bisa nyangkem kana eusi bahasan di luhur, tangtu kudu apal jeung ngarti kana kekecapanana. Pék cirian kekecapan anu hidep teu ngarti, susun jadi glosarium boh dina ieu file atawa dina buku catetan, sarta téangan hartina dina kamus/internet. Di handap aya contona. Satuluyna pék teruskeun ku hidep!

• semplak = (dahan), potong palebah puhuna saperti dahan kalapa anu semplak.

• disurahan asal kecap surah (Ar.), surat, sabagian tina Qur’an; hartina diterangkeun atawa dipedar hartina nepi gemet.

• tetelepék = sagala rupa ditanyakeun: Budak nu geus bisa ngomong, sarta mimiti mekar pikiranana sok tetelepék.

 • ……………. Sangkan paham kanaJawaban :
Jawaban Pancén 1

 

Pancén 2

Analisis struktur pedaran dumasar kana teks pedaran di luhur. Mana nu kaasup bubuka, eusi, jeung panutup kalayan dilengkepan ku hasil analisis/alesanana.

Jawaban Pancén 2

 

Pancén 3

Jieun tulisan kumaha pamanggih/pendapat hidep ngeunaan iket sabada maca teks di luhur.

Jawaban Pancén 3

 

Read More